İzzət Orucova

Layihənin adı Azərbaycanın ilk kimyaçı qadın alimlərindən və həmçinin ekranda baş rola çəkilmiş ilk azərbaycanlı qadın olan İzzət Orucovaya əsaslanıb.

1929-cu ildə, hələ tələbə ikən, «Sevil» filmində baş rolu oynadı. Sonra elmə keçdi: Sənaye İnstitutunu bitirdi, ömrünü neft kimyasına həsr etdi, elmlər doktoru oldu və Elmlər Akademiyasının həqiqi üzvü seçildi. Arxasında 300-ə yaxın elmi əsər qoydu.

Bu adı seçdik ki, şagirdlər onu tanısın. İmtahan yalnız bir mərhələdir; əsas olan ondan sonra da öz arzularının arxasınca getməkdir.

Layihəmizin əsas məqsədi süni intellektdən istifadə edərək şagirdlərin universitetə qəbul olmasına kömək etməkdir. izora bu yolda ilk addımdır.